بادشاہوں یا فقیروں کا مکاں دیکھے گی کیا محبت بھی فلاں ابنِ فلاں دیکھے گی

بادشاہوں یا فقیروں کا مکاں دیکھے گی

کیا محبت بھی فلاں ابنِ فلاں دیکھے گی

دستِ شفقت نہ رہے باپ کا جس کے سر پر

اس کی جانب بھری دنیا بھی کہاں دیکھے گی

کتنے دن اور خموشی سے سنیں دنیا کی

ہم جو بولے تو ہماری بھی زباں دیکھے گی

مسکرانے کی اداکاری ہے لوگوں کے لیۓ

مری تنہائی مری آہ و فغاں دیکھے گی

میں وہ ضدی کہ لڑائی نہ لڑی جاتی تو

ڈٹ کے کہتی تھی تجھے اب مری ماں دیکھے گی

اے مری عمرِ رواں دل پہ نہ لے وقت کا غم

جس نے دیکھی ہیں بہاریں وہ خزاں دیکھے گی

زوہا زکاء

جب گُلستاں میں بہاروں کے قدم آتے ہیں 

یاد  بُھولے  ھُوئے  یاروں  کے کرم آتے ہیں

لوگ جس بزم سے آتے ہیں سِتارے لے کر

ھم  اُسی  بزم  سے  بادیدۂ  نَم  آتے  ہیں  

اب  ملاقات  میں  وہ  گرمئ جذبات کہاں

اب تو رکھنے  وہ محبت کا  بھرم آتے ہیں 

قُربِ ساقی کی وضاحت  تو بڑی مشکل ھے

ایسے لمحے تھے  جو تقدیر سے کم آتے ہیں  

چشمِ ساغرؔ!  ھے  عبادت کے تصّور میں سَدا

دِل کے کعبے میں  خیالوں کے صنم  آتے ہیں​

ساغر صدیقی

معراج کی رتیا دھوم یہ تھی اک راج دلارا آوت ہے 

لولاک کا سہرا سر سوہت وہ احمد پیارا آوت ہے

حوروں نے کہا جب بسم اللہ، غلمان نے پکارا الا اللہ 

خود رب نے کہا ماشاءاللہ محبوب ہمارا آوت ہے

جبرئیل امین یہ کہتے چلے اے عرشیو! تمرے بھاگ جگے 

تعظیم کو سب ہو جاؤ کھڑے سردار تمہارا آوت ہے

یاسین کی چمک داتن میں طہ کا کرشمہ آنکھن میں 

والفجر کا جلوہ گالن میں وہ عرش کا تارا آوت ہے

ما زاغ کا کجلہ نین بھرے والشمس کا بٹنہ مکھ پہ ملے 

ہے میم کا گھونگھٹ سہرے تلے وہ رب کا سنوارا آوت ہے

دھرتی سے اٹھا آفاق چڑھا ممتاز یہ غل تھا چاروں طرف 

لو حق سے ملنے صل علی سردار ہمارا آوت ہے.

کرکے ایک سلیقے سے طرفین برابر 

اک غم بیٹھ گیا ہے دل کے عین برابر 

جھیلیں، دریا، جگ کے سارے اجلے منظر 

ہوکیسے سکتے ہیں اس کے نین برابر 

زین شکیل

کرکے ایک سلیقے سے طرفین برابر 

اک غم بیٹھ گیا ہے دل کے عین برابر